Loba Saksi Yéhuwa nu teu aktif bakal datang ka Pangeling-ngeling dina poé Salasa, 11 April. Maranéhna baheula sumanget ngawula ka Yéhuwa, tapi ayeuna henteu sumanget deui lantaran rupa-rupa masalah. Brosur Kembalilah kepada Yehuwa nyebutkeun conto-conto masalahna. (Ibr 12:1) Yéhuwa tetep ngahargaan maranéhna lantaran geus ditebus ku getih Putra-Na. (Ras 20:28; 1 Pet 1:18, 19) Kumaha urang bisa ngabantu maranéhna balik deui ka sidang?

Kokolot sidang nganjangan sarta mantuan Saksi nu teu aktif lir pangangon nu terus néangan domba nu leungit ti kumpulan. (Luk 15:4-7) Upaya ieu némbongkeun kanyaah Yéhuwa. (Yer 23:3, 4) Salian ti kokolot sidang, urang kabéh ogé bisa ngabantu maranéhna. Upaya urang pikeun némbongkeun kaasih jeung soméah bakal nyukakeun Yéhuwa jeung kacida dihargaanana. (Sil 19:17; Ras 20:35) Jadi, saha nu rék geura dibantu ku Sadérék?

SETÉL VIDÉO MEMBANTU YANG TIDAK AKTIF, TERUS BAHAS PANANYA DI HANDAP:

• Basa panggih jeung Saksi nu teu dikenal, naon nu Abbey lakukeun?

• Ku naon urang kudu nanya heula ka kokolot sidang lamun hayang mantuan Saksi nu teu aktif?

• Naon nu Abbey lakukeun saacan nganjangan Laura deui?

• Naon nu némbongkeun yén Abbey téh getol, sabar, jeung nyaah basa mantuan Laura?

• Naon nu Yésus ajarkeun dina ibarat di Lukas 15:8-10?

• Naon hasilna tina upaya sabilulungan ngabantuan Laura?