Urang hayang nyiram binih bebeneran nu geus dipelak. (1Kor 3:6) Waktu urang manggihan jalma nu némbongkeun minat, urang bisa ninggalkeun pananya nu bakal dibahas waktu ngadatangan manéhna deui. Manéhna jadi ngarep-ngarep kadatangan urang, sarta urang gé bakal gampang nyiapkeun bahanna. Terus waktu datang deui, urang bisa ngomong ka manéhna yén urang datang pikeun ngajawab pananya nu ditinggalkeun saacanna.

• Waktu nyiapkeun kecap panganteur keur ngawawar, siapkeun ogé pananya pikeun dijawab waktu ngadatangan deui. Sadérék bisa milih pananya nu jawabanana aya dina publikasi nu keur ditawarkeun ku Sadérék. Atawa nu jawabanana aya dina publikasi palajaran nu bakal ditawarkeun waktu ngadatangan deui.

• Dina ahir obrolan jeung jalma nu némbongkeun minat, béré nyaho yén Sadérék hayang ngobrol deui jeung manéhna sarta bakal nyiapkeun jawaban tina pananya nu ditinggalkeun. Mun cocog, tanyakeun nomer teleponna.

• Lamun Sadérék jangji bakal datang deui dina waktu nu geus ditangtukeun, ulah jalir jangji.—Mat 5:37.