Ku naon anjeun sakuduna laluasa nyarita ka kolot? (Sil 23:26) Lantaran kolot ditugaskeun ku Yéhuwa pikeun ngurus jeung ngabingbing anjeun. (Jab 127:3, 4) Kolot bakal hésé nulungan lamun anjeun nyumputkeun kahariwangan jeung nu anjeun pikirkeun. Anjeun gé moal bisa diajar ti kolot nu geus boga loba pangalaman. Na salah lamun anjeun teu nyaritakeun kabéh nu anjeun pikirkeun? Henteu ogé. Tapi, ulah nepi ka kolot mikir yén anjeun keur ngabohong atawa aya nu anjeun sumputkeun ti maranéhna.​—Sil 3:32.

Jadi, kumaha supaya anjeun bisa laluasa ngobrol jeung kolot? Téangan waktu nu cocog pikeun ngobrol jeung maranéhna. Lamun karasa hésé, pék tuliskeun parasaan anjeun dina surat. Kumaha lamun kolot hayang ngobrolkeun topik nu embung diobrolkeun ku anjeun? Sing inget, maranéhna téh hayang ngabantu anjeun. Kolot téh sobat anjeun, lainna musuh. Upaya anjeun pikeun ngawangun komunikasi nu alus jeung kolot bakal mangpaat saumur hirup!​—Sil 4:10-12.

TONGTON VIDÉO KAHIRUPAN RUMAJA—KUMAHA SANGKAN ABDI LALUASA NGOBROL JEUNG KOLOT? TULUY BAHAS:

• Ahirna, Esther jeung Partik sadar mun maranéhna téh boga sikep nu kawas kumaha?

• Anjeun bisa diajar naon tina tuladan Isa?

• Naon buktina lamun kolot téh merhatikeun anjeun?

• Prinsip Alkitab naon nu bisa ngabantu anjeun ngobrol jeung kolot?