Ku naon penting? Bisa jadi, urang ujug-ujug perlu dirawat di rumah sakit, atawa aya kaayaan darurat médis séjénna. Ku kituna, saacan éta kajadian, urang kudu néangan saloba-lobana informasi nu bisa ngabantu urang milih parawatan kaséhatan nu pangcocogna. Éta nunjukkeun urang téh ngahargaan kurnia kahirupan jeung hukum Yéhuwa ngeunaan getih.​—Kis 15:28, 29.

Naon waé nu bisa disiapkeun?

• Doakeun jeung pikirkeun bener-bener waktu ngeusian Surat Kuasa Khusus Perawatan Kesehatan (DPA). a Pawarta nu geus dibaptis bisa ménta kartu DPA jeung Kartu Identitas (ic) keur barudak leutik ti hamba léktur

• Mun Sadérék keur ngandung, Sadérék bisa ménta formulir Informasi bagi Ibu Hamil (S-401) ka kokolot. Formulir ieu bisa ngabantu Sadérék nyieun putusan nu hadé ngeunaan masalah kaséhatan nu bisa muncul salila ngandung jeung waktu ngalahirkeun

• Saacan Sadérék dirawat di rumah sakit atawa narima parawatan médis nu bisa jadi aya hubunganana jeung getih, béjaan heula kokolot. Béré nyaho rumah sakit yén Sadérék bakal dilongok ku para kokolot

Kumaha kokolot bisa ngabantu? Kokolot bisa ngabantu Sadérék ngeusian formulir DPA. Tapi, kokolot moal mangnyieunkeun putusan keur parawatan médis Sadérék atawa méré nyaho pandanganana ngeunaan putusan Sadérék. (Rm 14:12; Gal 6:5) Waktu Sadérék méré nyaho kokolot yén Sadérék bakal narima parawatan médis nu bisa jadi aya hubunganana jeung getih, kokolot bakal langsung méré informasi ka Panitia Penghubung Rumah Sakit (PPRS).

Kumaha carana PPRS méré bantuan? Sadérék-sadérék nu ngabantu di PPRS téh geus dilatih pikeun ngajelaskeun kayakinan urang ngeunaan getih ka staf médis jeung patugas hukum. Maranéhna jeung staf médis bisa ngabahas pilihan parawatan kaséhatan nu teu kudu maké getih pikeun Sadérék. Mun dibutuhkeun, maranéhna bisa ngabantu Sadérék néangan dokter nu ngahargaan pilihan parawatan kaséhatan urang.

TONGTON VIDÉO CARANA MILIH PARAWATAN KASÉHATAN NU AYA PATALINA JEUNG GETIH, TULUY BAHAS:

• Sadérék bisa diajar naon tina vidéo ieu ngeunaan carana nyiapkeun diri waktu aya kaayaan darurat médis nu aya hubunganana jeung getih?

  Jawaban Sadérék