Urang bijaksana dina ngagunakeun kasanggupan urang lamun urang netepkeun cita-cita rohani. (1Kor 9:26) Cita-cita bisa ngabantu urang ngagunakeun waktu sahadé-hadéna, sabab ahir dunya ieu téh geus deukeut. (Éf 5:15, 16) Dina ibadah kulawarga, Sadérék bisa ngabahas cita-cita nu bisa dihontal dina taun dines anyar. Jurnal pasamoan édisi ieu ngabahas sababaraha cita-cita nu bisa Sadérék tetepkeun jeung doakeun.​—Yak 1:5.

Misalna, na kabéh anggota kulawarga bisa silih bantu supaya saheunteuna aya saurang nu bisa naratas biasa? Lamun Sadérék teu yakin bisa minuhan jam dines, pék obrolkeun jeung panaratas nu kaayaanana sarua. (Sil 15:22) Meureun Sadérék gé bisa ngawawancara saurang panaratas dina ibadah kulawaga. Terus jieun jadwal nu asup akal. Lamun Sadérék baheulana pernah naratas, pék pikirkeun, na ayeuna Sadérék bisa naratas deui?

Na aya anggota kulawarga Sadérék nu bisa naratas ékstra sabulan atawa leuwih? Lamun boga masalah kaséhatan, Sadérék masih bisa naratas ékstra ku cara dines sakeudeung unggal poé. Lamun Sadérék teu bisa dines dina poé biasa lantaran digawé atawa sakola, meureun Sadérék bisa naratas dina bulan nu aya poé peréna, atawa nu ahir mingguna aya lima. Dina kalénder, tandaan iraha Sadérék rék naratas ékstra jeung jieun jadwalna.​—Sil 21:5.

TONGTON VIDÉO JADILAH BERANI SEBAGAI . . . PERINTIS, TULUY BAHAS:

• Kumaha Yéhuwa kabukti nyaah jeung ngurus sadérék Aamand? Urang diajar naon tina pangalamanana?