Urang kabéh téh manusa teu sampurna, jadi urang kudu terus ngadalikeun kahayang sorangan. Lamun urang nu dikadalikeun ku kahayang sorangan, Yéhuwa bisa teu resep deui ka urang. Misalna, aya jalma nu leuwih mentingkeun kadaharan, papakéan, jeung panyicingan, tibatan kanyaahna ka Allah. Nu séjénna réla ngalanggar papakon Allah demi muaskeun kahayang séksualna. (Rm 1:26, 27) Aya ogé nu daék ngalakukeun nu salah demi ditarima jeung dipikaresep ku batur.​—Bud 23:2.

Kumaha carana ngadalikeun kahayang urang? Terus pikirkeun hal-hal nu nyenangkeun Allah. (Mat 4:4) Pénta bantuan Yéhuwa supaya urang bisa ngadalikeun kahayang urang. Ku naon? Lantaran Yéhuwa apal nu panghadéna keur urang sarta Anjeunna bakal muaskeun kahayang urang.​—Jab 145:16.

TONGTON VIDÉO TONG NGARUKSAK AWAK ANJEUN KU ROKO, TULUY BAHAS:

• Ku naon sababaraha jalma ngaroko?

• Naon akibatna lamun anjeun ngaroko?

• Ku naon ngaroko jeung maké vape téh salah?​—2Kor 7:1

• Kumaha supaya anjeun teu kagoda ngaroko atawa bisa eureun ti kabiasaan ngaroko?