Jalma nu bisa nyobat jeung Yéhuwa mah ngan jalma nu boga ahlak nu bersih. (1Pét 1:14-16) Lamun palajar Alkitab nyingkahan kabiasaan nu najis, éta bakal mangpaat keur kulawargana, kaséhatanana, jeung manéhna gé moal miceunan duit.

Jelaskeun ka palajar Alkitab, naon waé papakon moral Yéhuwa, ku naon penting pikeun nuturkeunana, jeung naon mangpaatna. Bantu manéhna ngarobah cara pikirna nu baheula. Lamun cara pikirna geus dianyarkeun, manéhna pasti bisa nuturkeun papakon moral Yéhuwa. (Éf 4:22-24) Yakinkeun manéhna yén Yéhuwa bisa ngabantu manéhna nyingkirkeun kabiasaan nu geus napel pageuh. (Flp 4:13) Jurung palajar Alkitab pikeun sasambat ménta tulung ka Yéhuwa waktu aya godaan pikeun nyieun dosa. Bantu manéhna ogé pikeun mikirkeun kaayaan naon waé nu bisa ngagoda jeung kudu disingkahan. Jurung manéhna pikeun ngaganti kabiasaan nu goréng ku kagiatan nu mawa mangpaat. Urang bakal bungah waktu ningali palajar Alkitab sanggup nyieun parobahan ku bantuan Yéhuwa.

TONGTON VIDÉO NGABANTU PALAJAR ALKITAB NYINGKIRKEUN KABIASAAN NU NAJIS, TULUY BAHAS:

• Kumaha sikep Nita jeung para kokolot waktu apal Jasmin téh boga kénéh kabiasaan nu najis?

• Kumaha cara Nita ngabantu Jasmin?

• Naon buktina Jasmin ngandelkeun Yéhuwa?