Kabéh umat Yéhuwa bisa ngalakukeun hal-hal nu bakal diinget salawasna ku Mantenna. Saurang kolot nu nyaahan pasti moal mopohokeun hal-hal hadé nu geus dilakukeun ku budakna. Kitu ogé, Yéhuwa moal mopohokeun kanyaah jeung hal-hal nu dilakukeun ku urang demi nami-Na. (Mat 6:20; Ibr 6:10) Mémang, kaayaan jeung kamampuh urang béda-béda. Tapi lamun urang méré nu panghadéna ka Yéhuwa, urang bisa bungah. (Gal 6:4; Kol 3:23) Salila mangtaun-taun, aya loba sadérék nu geus ngawula di Bétel. Naha Sadérék bisa jadi sukarélawan di Bétel? Lamun henteu, naha Sadérék bisa ngajurung batur pikeun ngawula di Bétel, atawa ngabantu anggota kulawarga Bétel supaya bisa terus ngawula di ditu?

TONGTON VIDÉO SIAPKEUN DIRI PIKEUN NGAWULA DI BÉTEL, TERUS JAWAB PANANYA-PANANYA DI HANDAP:

• Naon sakuduna alesan urang hayang ngawula di Bétel?

• Kumaha sadérék-sadérék dina éta vidéo nyaritakeun berkahna ngawula di Bétel?

• Naon waé sarat pikeun ngawula di Bétel?

• Kumaha Sadérék bisa ngadaptar pikeun ngawula di Bétel?