KAHIRUPAN KRISTEN
Ningkatkeun Kamampuh Dines Urang—Ngabantu Jalma ”nu Boga Sikep nu Bener” Supaya Jadi Murid
KU NAON PENTING? Yéhuwa nyieun binih bebeneran tumuwuh dina haté jalma-jalma ”nu boga sikep nu bener pikeun meunangkeun hirup langgeng”. (Ras 13:48, NW; 1Kor 3:7) Urang digawé bareng jeung Mantenna ku cara upaya sabisa-bisa néangan jalma-jalma nu daék ngalarapkeun pangajaran Alkitab. (1Kor 9:26) Palajar Alkitab kudu paham yén baptisan Kristen téh penting pisan pikeun kasalametan. (1Pet 3:21) Urang ngabantu maranéhna pikeun jadi murid ku cara ngajar maranéhna pikeun nyieun parobahan dina kahirupan, pikeun ngawawar jeung ngajar, sarta pikeun ngabaktikeun kahirupanana ka Yéhuwa.—Mat 28:19, 20.
CARA NGALAKUKEUNANA:
-
Ingetkeun palajar Alkitab yén tujuan maranéhna diajar téh supaya ”terang ka” Yéhuwa jeung nyenangkeun Mantenna.—Yoh 17:3
-
Bantu maranéhna nyieun kamajuan rohani ku cara nyingkirkeun hahalang, misalna kabiasaan goréng jeung pergaulan nu bahaya
-
Kuatkeun jeung gedékeun haté maranéhna saacan jeung sanggeus maranéhna dibaptis.—Ras 14:22
TONGTON VIDÉO YEHUWA BAKAL NULUNGAN SADÉRÉK, TERUS BAHAS PANANYA-PANANYA IEU:
-
Naon waé nu nyababkeun saurang jalma sieun ngabakti jeung dibaptis?
-
Kumaha kokolot bisa ngabantu palajar Alkitab nyieun kamajuan rohani?
-
Tina Yesaya 41:10, urang diajar naon ngeunaan Yéhuwa?
-
Sikep naon nu dibutuhkeun ku urang sangkan bisa ngawula Yéhuwa sanajan teu sampurna?