Ti saprak taun 2018, majalah urang ngan ngabahas hiji topik dina unggal terbitan. Majalah-majalah ieu téh ayeuna aya dina Alat Bantu Pengajaran, jadi bisa digunakeun dina palayanan. Urang gé bisa mawa sababaraha majalah misalna waktu keur iinditan atawa balanja. Mémang, majalah téh lain dirancang pikeun palajaran Alkitab, tapi pikeun ngageuing minat batur.

Sanggeus ngamimitian obrolan, urang bisa macakeun hiji ayat, terus nyebutkeun topik tina majalah nu katingalina bakal dipikaresep ku manéhna. Contona, lamun urang panggih jeung jalma nu boga kulawarga atawa jalma nu keur sedih atawa strés, urang bisa ngomong, ”Abdi kakara maca majalah alus ngeunaan hal éta. Tiasa ditémbongkeun ku abdi?” Lamun manéhna minat, urang bisa langsung méré majalahna atawa ngirim link-na sanajan kakara panggih jeung manéhna. Mémang tujuan utama urang téh lain méré bacaan, tapi majalah bisa ngabantu urang manggihan jalma-jalma nu daék diajar bebeneran.​—Ras 13:48.