9:62

Sangkan lempeng ngawulukuna, nu ngawuluku teu meunang luak-lieuk ka tukang. Urang Kristen gé teu meunang disimpangkeun ku hal-hal dunya nu geus ditinggalkeun.​—Pil 3:13.

Waktu aya masalah, urang bisa sono kana hal-hal nu baréto urang anggap leuwih alus, misalna basa urang can nyaho bebeneran. Lamun mikiran éta, biasana urang osok ngagedé-gedékeun kasenangan di mangsa katukang, ari kasusahna disapirakeun. Éta nu dilakukeun ku bangsa Israil sanggeus ninggalkeun Mesir. (Bil 11:5, 6) Lamun mikir kitu, urang bisa kagoda pikeun balik deui ka cara hirup nu heubeul. Urang sakuduna mikiran berkah-berkah nu geus ditarima sarta neuteup kabagjaan di mangsa kahareup waktu Karajaan Allah maréntah!​—2Kor 4:16-18.