Kolot nu ngahormat ka Allah pasti hayang budakna jadi hamba Yéhuwa nu satia. Ku kituna, kolot sakuduna ngajarkeun Alkitab ka budakna ti leuleutik sangkan nanceb dina haté. (Pam 6:7; Sil 22:6) Naha ieu téh butuh pangorbanan? Tangtu! Tapi, kabéh upaya ieu moal percumah.​—3Yoh 4.

Kolot bisa diajar tina tuladan Yusup jeung Mariam. Sanajan butuh loba upaya jeung biaya, ”unggal-unggal taun sepuh Yesus sok arangkat ka Yerusalem, ngiring kana Pesta Paska”. (Luk 2:41) Jelas, nu pangpentingna keur maranéhna téh karohanian kulawargana. Kitu ogé, kolot ayeuna bisa ngabingbing budakna di jalan nu bener ku cara ngajar budakna ku kekecapan jeung tindakan dina unggal kasempetan.​—Jab 127:3-5.

SETÉL VIDÉO MEREKA MEMANFAATKAN SETIAP KESEMPATAN, TERUS JAWAB PANANYA-PANANYA DI HANDAP IEU:

• Kumaha Jon jeung Sharon Schiller tetep ngutamakeun palayananana ka Yéhuwa sanajan kudu ngurus barudak?

• Waktu ngajar, ngabingbing, jeung ngadisiplin, ku naon kolot teu bisa ngagunakeun cara nu sarua ka unggal budakna?

• Naon nu bisa dilakukeun kolot sangkan budakna siap waktu imanna diuji?

• Naon sasadiaan ti organisasi Yéhuwa nu geus digunakeun ku Sadérék pikeun ngabantu budak nyobat jeung Yéhuwa?