Anjeun hayang boga sobat nu siga kumaha? Pasti anjeun hayang boga sobat nu satia, bageur, jeung béréhan. Yéhuwa téh boga sipat-sipat éta. (Bud 34:6; Ras 14:17) Yéhuwa daék ngadéngékeun doa anjeun. Waktu anjeun butuh bantuan, Yéhuwa gé siap nulungan. (Jab 18:20, 36) Malah, Yéhuwa daék ngahampura kasalahan anjeun. (1Yoh 1:9) Yéhuwa téh Sobat nu bageur pisan!

Kumaha urang bisa jadi sobat Yéhuwa? Urang bisa leuwih kenal ka Mantenna lamun maca Firman-Na. Urang gé perlu nyaritakeun eusi haté urang ka Mantenna. (Jab 62:9; 142:3) Salian ti éta, urang kudu ngahargaan nu dianggap penting ku Yéhuwa, saperti Putra-Na, Karajaana-Na, jeung jangji-Na keur mangsa kahareup. Urang bisa nyarita ka batur ngeunaan Mantenna. (Pam 32:3) Lamun urang terus ngaraket ka Yéhuwa, Mantenna bakal jadi sobat urang salanggengna.​—Jab 73:25, 26, 28.

TONGTON VIDÉO BARUDAK NGORA, PÉK RASAKEUN KASAÉAN YÉHUWA, TERUS JAWAB PANANYA-PANANYA DI HANDAP:

• Naon waé nu kudu disiapkeun lamun anjeun hayang ngabaktikeun diri jeung dibaptis?

• Kumaha sadérék-sadérék di sidang bisa ngabantu anjeun dina ngawula Yéhuwa?

• Kumaha dines bisa ngaraketkeun anjeun leuwih raket jeung Yéhuwa?

• Cita-cita rohani naon waé nu bisa dihontal ku anjeun?

• Anjeun paling resep kana sipat Yéhuwa nu mana?