Saksi-Saksi Yéhuwa nu geus ngabakti jeung dibaptis boga hiji kasempetan nu istiméwa. Urang bisa terus ngaraket ka Yéhuwa, lantaran Mantenna geus narik urang ku jalan Putra-Na. (Yoh 6:44) Doa-doa urang gé didéngékeun ku Mantenna.​—Jab 34:16.

Kumaha urang bisa ngajaga sosobatan urang jeung Allah? Salah sahijina, urang kudu nyingkahan lalampahan salah nu dilakukeun ku urang Israil. Teu lila sanggeus nyieun perjangjian jeung Yéhuwa, maranéhna nyieun sasapian emas jeung nyembah éta brahala. (Bud 32:7, 8; 1Kor 10:7, 11, 14) Pék pikirkeun, ’Kumaha sikep abdi waktu digoda? Na putusan abdi némbongkeun yén sosobatan abdi jeung Yéhuwa téh istiméwa?’ Lamun bener-bener nyaah ka Bapa urang, urang moal ngalakukeun hal nu dipikaijid ku Mantenna.​—Jab 97:10.

TONGTON VIDÉO JAGALAH HUBUNGAN SAUDARA DENGAN YEHUWA (KOL 3:5), TERUS JAWAB PANANYA-PANANYA DI HANDAP:

• Naon hartina sarakah téh?

• Ku naon urang teu meunang sarakah jeung nyembah brahala?

• Naon patalina jinah jeung nyembah brahala?

• Ku naon urang kudu merhatikeun batur hirup, hususna lamun boga tanggung jawab di organisasi?