KU NAON PENTING? Lamun ”pipikiran jelema teh saibarat cai dina sumur jero”, nu jadi timbana téh nyaéta pananya. (Sil 20:5) Urang ngagunakeun pananya-pananya supaya batur kalibet dina obrolan. Lamun pananyana cocog, hasilna sok alus. Yésus ngagunakeun pananya-pananya nu cocog. Kumaha urang bisa nyonto anjeunna?

CARA NGALAKUKEUNANA:

• Béré pananya nu ngali eusi haté. Yésus méré pananya-pananya pikeun nyaho kumaha pandangan murid-muridna. (Mat 16:13-16; be-IN 238 ¶4-6) Pananya naon nu bisa digunakeun ku Sadérék pikeun ngali eusi haté batur?

• Béré pananya panungtun. Pikeun menerkeun pikiran Pétrus, Yésus méré pananya jeung pilihan jawaban supaya Pétrus bisa nyimpulkeun nu bener. (Mat 17:24-26) Pananya naon nu bisa digunakeun ku Sadérék pikeun ngabantu jalma boga kasimpulan nu bener?

• Béré pujian. Sanggeus saurang ahli hukum agama méré jawaban nu ”kacida bijaksanana”, Yésus muji manéhna. (Mar 12:34) Kumaha Sadérék bisa méré pujian ka batur nu geus ngajawab pananya Sadérék?

SETÉL BAGIAN KAHIJI VIDÉO LAKUKAN PEKERJAAN YANG YESUS LAKUKAN—MENGAJAR, TERUS JAWAB PANANYA-PANANYA DI HANDAP:

• Ku naon ieu téh lain conto nu alus sanajan nu diajarkeunana téh geus akurat?

• Ku naon teu cukup ngan ngajelaskeun wungkul?

SETÉL BAGIAN VIDÉO NU KADUA, TERUS JAWAB PANANYA-PANANYA DI HANDAP:

• Kumaha saurang sadérék ngagunakeun pananya-pananya nu cocog?

• Naon waé nu bisa diconto ti cara ngajar manéhna?