Kagiatan pangwawaran urang téh penting pisan lantaran kasangsaraan nu pohara hébatna geus téréh. (Sil 24:11, 12, 20) Urang ngagunakeun kartu JW.ORG pikeun narik minat jalma-jalma kana Firman Allah jeung situs Internét urang. Dina kartu ieu, aya kode pikeun muka vidéo Naon Margina Peryogi Nalungtik Alkitab? jeung pormulir pikeun narima leuwih loba katerangan atawa diajar Kitab Suci. Aya jalma nu embungeun narima bacaan urang, tapi daékeun muka situs Internét. Ku kituna, ulah asa-asa mikeun kartu ieu ka saha waé. Tapi, ulah mikeun kartu ieu ka jalma nu teu minat.

Bari ngalakukeun kagiatan sapopoé, Sadérék bisa ngahudang minat jalma-jalma ku cara ngomong, ”Abdi badé masihkeun kartu ieu kanggo Bapa. Kartu ieu téh ngeunaan situs Internét nu dilebetna aya vidéo jeung informasi haratis ngeunaan rupa-rupa hal.” (Yoh 4:7) Ku lantaran kartuna leutik, Sadérék bisa mawa kartu ieu ka mana-mana sangkan bisa dibagikeun dina sagala kasempetan.