Perkawinan Kristen nu suksés bakal ngamulyakeun Yéhuwa jeung mawa kabagjaan keur salaki pamajikan. (Mar 10:9) Supaya perkawinan langgeng tur bagja, urang Kristen kudu bener-bener nuturkeun prinsip Alkitab waktu rék milih batur hirup.

Bijaksana pisan lamun Sadérék néangan kabogoh waktu ”geus cukup umur”, nyaéta waktu pilihan Sadérék teu kapangaruhan ku kahayang séksual nu kuat. (1Kor 7:36) Meungpeung léngoh kénéh, Sadérék bisa mekarkeun sipat-sipat Kristen sarta nguatkeun sosobatan Sadérék jeung Yéhuwa. Ku kituna, Sadérék bakal siap ngawangun perkawinan nu suksés.

Ulah buru-buru mutuskeun rék nikah. Sadérék kudu bener-bener apal heula kana sipat-sipat asli calon batur hirup Sadérék. (1Pét 3:4) Lamun Sadérék cangcaya ka manéhna, pék obrolkeun. Siga nyobat jeung batur, Sadérék kudu leuwih ngutamakeun naon nu bisa Sadérék béré ka batur hirup tibatan nu bisa Sadérék tarima. (Flp 2:3, 4) Lamun Sadérék nuturkeun prinsip-prinsip Alkitab saacan nikah, Sadérék keur masang pondasi nu kuat pikeun perkawinan nu bagja.

TONGTON VIDÉO PERSIAPAN SAACAN NIKAH—BAGIAN 3: ”NGITUNG HEULA BIAYANA”, TULUY BAHAS:

• Mimitina, kumaha hubungan sadérék istri dina éta vidéo jeung Sandi?

• Tapi lila-lila, naon nu sadérék istri éta perhatikeun dina diri Sandi?

• Kumaha kolot sadérék istri éta mantuan manéhna, sarta naon putusan manéhna?