Urang bungah pisan ku ayana brosur jeung buku anyar pikeun mandu palajaran Alkitab! Urang hayang terus ngadoa sangkan Yéhuwa ngaberkahan upaya urang dina ngajadikeun murid. (Mat 28:18-20; 1Kor 3:6-9) Kumaha carana ngagunakeun publikasi anyar ieu?

Urang perlu maké cara anyar waktu mandu palajaran Alkitab maké publikasi Hirup Bagja Salilana! Pék tuturkeun cara-cara di handap waktu persiapan jeung mandu palajaran Alkitab. *

• Baca bahanna jeung bahas pananyana

• Baca ayat nu aya tanda ”baca”, sarta bantu palajar Alkitab paham cara ngalarapkeunana

• Setél vidéo-vidéona, terus bahas ngagunakeun pananya-pananya nu aya

• Upayakeun ngabahas hiji bab unggal mandu palajaran Alkitab

Waktu ngawawar, tawarkeun brosurna heula pikeun ningali minat saurang jalma. (Tingali kotak ” Cara Nawarkeun Brosur Hirup Bagja Salilana! Waktu Ngawawar”.) Lamun geus bérés ngabahas brosurna jeung manéhna masih hayang diajar, tawarkeun bukuna, tuluy mimitian palajaranana ku bab 04. Lamun aya palajar Alkitab Sadérék nu masih ngagunakeun buku Diajar Kitab Suci atawa buku Tetep Dipikaasih ku Allah, ganti palajaranana maké buku Hirup Bagja Salilana! Sadérék bisa nangtukeun rék mulai diajar ti mana.

TONGTON VIDÉO WILUJENG SUMPING DINA PALAJARAN ALKITAB ANJEUN, TULUY BAHAS:

• Palajar Alkitab bakal diajar naon waé tina buku ieu?

• Ku naon Sadérék kudu nyetélkeun vidéo ieu ka palajar Alkitab nu anyar?

• Unggal diajar, tujuan naon waé nu kudu diupayakeun ku palajar Alkitab? (Tingali kotak ” Topik jeung nu Bisa Diupayakeun dina Unggal Bab”.)