Lamun euweuh, meureun anjeun pernah ningali jalma nu dipikaijid ku batur. Urang sok ngadéngé berita ngeunaan jalma-jalma nu dijahatan ku batur lantaran kaom jeung bangsana béda, atawa lantaran maranéhna resep ka sasama jinis. Tungtungna, pamaréntah di sababaraha nagri méré hukuman nu leuwih beurat ka jalma-jalma nu nyieun tindakan kajahatan lantaran ijid ka batur.

Biasana jalma nu dipikaijid ku batur bakal ijid deui ka jalma séjén, malah bisa waé nyilakakeun éta jalma. Éta téh bisa terus kajadian siga roda nu teterusan muter.

Meureun aya nu pernah goréng sangka, ngahina, jeung ngancem ka anjeun. Tapi, jalma nu ijid bisa ngalakukeun hal nu leuwih parah. Misalna vandalisme, nga-bully, nyerang, merkosa, maéhan, malahan mah nepi ka ngamusnakeun hiji kaom.

Majalah ieu ngajawab pananya-pananya:

• Ku naon parasaan ijid aya di mana-mana?

• Kumaha carana nyingkirkeun parasaan ijid?

• Na parasaan ijid bisa bener-bener leungit ti dunya ieu, sarta kumaha carana?