Henteu. Saksi-Saksi Yéhuwa percaya yén Allah nu nyiptakeun sagala hal. Tapi, urang teu satuju kana paham kréasionisme. Ku naon? Ku sabab sababaraha hal nu dipercaya ku panganut kréasionisme, nu disebut kréasionis, papalingpang jeung Alkitab. Pék perhatikeun dua contona:

1.   Lilana Allah nyiptakeun eusi bumi. Sababaraha kréasionis nyebutkeun yén Allah nyiptakeun eusi bumi dina 6x24 jam. Tapi, kecap ”poé” dina Alkitab bisa ngamaksudkeun waktu nu jauh leuwih panjang.—Kajadian 2:4, Terjemahan Dunia Baru; Jabur 90:4.

2.   Umur bumi. Sababaraha kréasionis ngajarkeun yén bumi téh umurna kakara sababaraha rébu taun. Tapi numutkeun Alkitab, bumi jeung jagat raya geus aya saacan genep poé Allah nyiptakeun eusi bumi. (Kajadian 1:1) Éta sababna, Saksi-Saksi Yéhuwa satuju kana panalungtikan sains nu nunjukkeun yén bumi umurna téh bisa jadi leuwih ti miliaran taun.

 Sanajan Saksi-Saksi Yéhuwa percaya yén jagat raya téh diciptakeun, urang henteu nampik sains. Urang percaya yén sains nu bener mah saluyu jeung Alkitab.