Mashahidi wa Yehova walitoa Tafsiri ya Ulimwengu Mpya ya Maandiko ya Kigiriki ya Kikristo katika Kikwanyama katika kusanyiko la eneo huko Ondangwa, Namibia, Agosti 16, 2019. Ndugu Franco Dagostini, mshiriki wa Halmashauri ya Tawi ya Afrika Kusini alitoa Biblia hiyo katika siku ya kwanza ya kusanyiko hilo lililofanyiwa katika jumba la Ondangwa Trade Fair Hall.

Mtafsiri mmoja anasema hivi: “Tafsiri ya Ulimwengu Mpya ya Maandiko ya Kigiriki ya Kikristo itawasaidia watu kusoma na kuelewa ujumbe wa Biblia vizuri zaidi. Ndugu na dada zetu watafurahi kuona jina la Yehova mahali linapopaswa kuwa.”

Katika eneo linalosimamiwa na Ofisi ya Tawi ya Afrika Kusini, kuna takriban wahubiri 490 wanaozungumza Kikwanyama. Wahubiri hao wanawahubiria watu wapatao milioni 1.4 hivi wanaozungumza Kikwanyama, wanaoishi hasa nchini Angola na Namibia.

Sasa Biblia Takatifu—Tafsiri ya Ulimwengu Mpya imetafsiriwa ikiwa nzima au kwa sehemu katika lugha 184 kutia ndani tafsiri 25 zilizorekebishwa zinazotegemea tafsiri ya 2013. Tunafurahi kujua kwamba ndugu na dada zetu watatumia Biblia hii kuwaeleza watu wanaozungumza Kikwanyama kuhusu Neno la Mungu.—Matendo 2:37.