DESEMBA 11, 2019
ALBANIA
Toleo Lililorekebishwa la Tafsiri ya Ulimwengu Mpya Limetolewa Katika Kialbania
Desemba 8, 2019, Ndugu Mark Sanderson, mshiriki wa Baraza Linaloongoza alitangaza kutolewa kwa Biblia Takatifu—Tafsiri ya Ulimwengu Mpya katika Kialbania kwenye mkutano wa pekee katika uwanja wa Asllan Rusi Sports Palace, ulio Tirana, Albania. a
Inakadiriwa kwamba watu milioni 2.9 wanaishi nchini Albania. Hata hivyo, karibu watu milioni 7.6 wanazungumza Kialbania duniani kote. Mashahidi wa Yehova wameanzisha makutaniko na vikundi vya Kialbania huko Austria, Italia, Kanada, Makedonia Kaskazini, Marekani, Sweden, Ubelgiji, Ufaransa, Ugiriki, Uingereza, Ujerumani, Uswisi, na Uturuki. Toleo lililorekebishwa la Biblia ya Kialbania litanufaisha zaidi ya wahubiri 5,800 wanaopatikana katika eneo la ofisi ya tawi ya Albania na katika maeneo mengine.
Toleo lililorekebishwa linatia ndani sehemu za nyongeza, maelezo ya chini, kamusi, na ramani. Tunashangilia pamoja na ndugu na dada zetu wanaozungumza Kialbania, ambao wamepata tafsiri ya Neno la Yehova katika lugha ya kisasa, iliyo rahisi, inayoeleweka na iliyo wazi.—Mathayo 13:16.
a Biblia nzima ya Tafsiri ya Ulimwengu Mpya ilitolewa katika Kialbania ilitolewa mwaka 2005.
Huenda Ukapenda Pia
MASWALI YANAYOULIZWA MARA NYINGI
Je, Mashahidi wa Yehova Wana Biblia Yao Wenyewe?
Ukitumia tafsiri tofauti-tofauti za Biblia unaweza kuongeza ujuzi wako wa Biblia. Hebu ona ni mambo gani matatu yanayofanya iwe muhimu kutumia Biblia Takatifu—Tafsiri ya Ulimwengu Mpya unapojifunza Biblia.
