Desemba 3, 2022, Ndugu Samuel Campos, mshiriki wa Halmashauri ya Tawi ya Angola alitoa kitabu cha Mathayo na cha Matendo katika Kichokwe na Kiibinda. Kitabu hicho kilitolewa katika mfumo wa kielektroni katika programu iliyorekodiwa mapema na kutazamwa na watu 2,000 hivi.

Mashahidi wa Yehova walianza kuhubiri rasmi katika Kichokwe na kuanzisha kikundi cha lugha hiyo mwaka 2007. Leo, kuna makutaniko 10 yanayotumia Kichokwe nchini Angola na makutaniko 23 katika Jamhuri ya Kongo.

Mtafsiri mmoja wa lugha hiyo alisema: “Kuna tafsiri kadhaa za Biblia katika Kichokwe. Tafsiri moja inatumia maneno yaliyorahisiwa lakini ni tafsiri ya ufafanuzi. Tafsiri nyingine ina mambo mengi zaidi lakini si rahisi kuielewa. Ila niliposoma hii tafsiri mpya, nilihisi kana kwamba Yehova anazungumza na mimi moja kwa moja.”

Kutaniko la kwanza la Kiibinda liliaanzishwa mwaka wa 2014. Sasa kuna makutaniko 13. Hapo awali hakukuwa na tafsiri yoyote ya Biblia katika lugha hiyo, kwa hiyo wahubiri walitumia Tafsiri ya Ulimwengu Mpya ya Kireno. Mmoja wa watafsiri wa Kiibindi alisema: “Nimesoma tafsiri kadhaa za Biblia mara nyingi lakini sasa ninaielewa vizuri zaidi. Ninahisi ni pendeleo kubwa kuwa sehemu ya mradi huu. Umeimarisha imani yangu.”

Tuna uhakika kwamba Biblia ya Kichokwe na ya Kiibinda zitawasaidia ndugu na dada zetu kumkaribia Yehova zaidi.​—Yakobo 4:8.