Januari 16, 2021, Biblia Takatifu—Tafsiri ya Ulimwengu Mpya ilitolewa katika mfumo wa kielektroni katika lugha ya Kiumbundu. Programu hiyo ilirekodiwa mapema na kupeperushwa kwa makutaniko yote yanayozungumza Kiumbundu nchini Angola. Ndugu Genésio Verdiano, mshiriki wa Halmashauri ya Tawi ya Angola, alitoa Biblia hiyo.

Kiumbundu hutumiwa sana Angola, na ni lugha ya mama kwa watu milioni saba hivi. Kuna zaidi ya wahubiri 6,500 wanaozungumza Kiumbundu.

Vikundi viwili vilivyokuwa na watafsiri sita, vilifanya kazi kwa miaka mitano kukamilisha tafsiri ya Biblia hiyo. Mtafsiri mmoja alisema hivi: “Tafsiri hii mpya itatusaidia kupiga picha akilini mambo tunayosoma katika Maandiko kwa sababu ni rahisi kuielewa. Itarahisisha pia tunapowafundisha wengine Neno la Mungu katika huduma.”

Mshiriki mmoja wa Halmashauri ya Tawi alisema hivi: “Tunajua kwamba watu wanaposoma Biblia katika lugha yao wenyewe, wanaelewa kweli vizuri zaidi. Tuna hamu sana ya kujionea jinsi Yehova atakavyotumia Neno lake katika Kiumbundu ili kuwafikia watu wengi zaidi.”—2 Wathesalonike 3:1.