AGOSTI 24, 2018
AZERBAIJAN
Azerbaijan Yamhukumu Ndugu Yetu kwa Kukataa Utumishi wa Kijeshi
Julai 6, 2018, Mahakama ya Wilaya ya Barda, Azerbaijan ilitoa hukumu yenye masharti ya mwaka mmoja kwa ndugu Emil Mehdiyev. Mahakama hiyo ilisema kwamba Emil mwenye umri wa miaka 18 alikuwa na hatia ya kukwepa utumishi wa kijeshi, lakini haikumfunga gerezani. Hata hivyo, hawezi kuhama bila kuwajulisha wenye mamlaka, na haruhusiwi kuondoka nchini Azerbaijan.
Mnamo Desemba 2017, Ndugu Mehdiyev alifika kwenye Kituo cha Kujiandikisha Jeshini cha Wilaya ya Barda. Alikataa kujiandikisha, kwa sababu dhamiri yake haikumruhusu kufanya utumishi wa kijeshi. Alipoagizwa afike kwenye kituo hicho, alienda ili kueleza msimamo wake unaotegemea dhamiri, na kuomba utumishi wa badala wa kiraia badala ya utumishi wa kijeshi. Aliambiwa kwamba hakukuwa na mpango kama huo na kwamba kesi yake ingewasilishwa kwenye ofisi ya mwendesha-mashtaka ya Wilaya ya Barda.
Baada ya kesi hiyo kusikilizwa mara nyingi, Mahakama ya Wilaya ya Barda ilimhukumu kwa kutoa hukumu yenye masharti. Ingawa mahakama hiyo haikumfunga Emil gerezani, sasa anaonwa kuwa mhalifu na hakuna anachoweza kufanya ili kubadili jambo hilo kwa sababu serikali ya Azerbaijan haijaanzisha mpango wa utumishi wa badala wa kiraia, ingawa muda mrefu umepita tangu ilipoahidi kufanya hivyo.
Tunafurahi kwamba Ndugu Mehdiyev anadumisha msimamo wake wa kutounga mkono upande wowote licha ya kukabili hali hiyo ngumu.—1 Petro 2:19.
Huenda Ukapenda Pia
TAARIFA ZA HABARI
Kesi ya Mahakama Makuu Inapokaribia, Aliyekataa Kujiunga na Jeshi Apata Tumaini
Agosti 30, 2018, Mahakama Kuu ya Korea Kusini itasikiliza kesi mbele ya umma ili kuchunguza maagizo yaliyotolewa na Mahakama ya Kikatiba ya kutoa utumishi wa badala wa kiraia kwa ajili ya watu wanaokataa kujiunga na jeshi kwa sababu ya dhamiri.
TAARIFA ZA HABARI
Turkmenistan Imepuuza Haki ya Uhuru wa Dhamiri
Mashahidi wawili wa Yehova wamehukumiwa kifungo cha mwaka mmoja kwa kukataa kujiunga na utumishi wa kijeshi. Mpaka sasa Turkmenistan bado haitambui haki ya msingi ya wanaokataa kujiunga na utumishi wa kijeshi kwa sababu ya dhamiri na haina mpango wa utumishi wa badala wa kiraia.
TAARIFA ZA HABARI
Mahakama ya Azerbaijan Yaamuru Irina Zakharchenko na Valida Jabrayilova Walipwe Fidia
Mahakama ya wilaya ya Baku imeagiza kwamba Irina Zakharchenko na Valida Jabrayilova walipwe fidia kwa sababu ya kufungwa isivyo haki kwa miezi 11.