DESEMBA 8, 2015
AZERBAIJAN
Azerbaijan Imehimizwa Kumhamisha Irina Zakharchenko Kutumikia Kifungo cha Nyumbani
Desemba 3, 2015, Kamati ya Umoja wa Mataifa ya Haki za Kibinadamu ilikubali ombi la haraka kwa niaba ya Irina Zakharchenko na kuiomba serikali ya Azerbaijan kumhamisha upesi kutoka gerezani hadi “kifungo cha nyumbani au kifungo kingine kinachofaa.” Ombi hilo lilitolewa kwa sababu ya afya yake inayozorota.
Irina Zakharchenko na Shahidi mwingine, Valida Jabrayilova, wamefungwa gerezani kwa miezi kumi kabla ya kesi yao kusikilizwa. Desemba 10, 2015, Mahakama ya Wilaya ya Baku Pirallahi itaanza kusikiliza kesi dhidi ya wanawake hao kwa shutuma za uhalifu wa kuwapa watu machapisho ya kidini na kushiriki imani yao “bila ruhusa.”
Huenda Ukapenda Pia
TAARIFA ZA HABARI
Mashahidi wa Yehova Waitaka Serikali ya Azerbaijan Ikomeshe Vifungo Visivyozingatia Haki
Je, Azerbaijan itaheshimu mikataba iliyosaini ya uhuru wa ibada kwa kuwaachilia wanawake wawili wasio na hatia, Irina Zakharchenko na Valida Jabrayilova, na kuwaruhusu Mashahidi waabudu kwa amani?
TAARIFA ZA HABARI
Rashad Niftaliyev Atozwa Faini na Kufungwa Gerezani kwa Kushiriki Mikutano ya Kidini
Hii ni mara ya pili kuadhibiwa katika kipindi cha miezi 14, ingawa hakuna sheria ya Azerbaijan inayokataza kukutana kwa ajili ya ibada.