Mei 29, 2022, Ndugu Sylvain Bois, mshiriki wa Halmashauri ya Tawi ya Benin, alitoa Biblia​—Habari Njema Kulingana na Mathayo katika lugha ya Fon. Kitabu hicho kilitolewa katika mfumo wa kielektroni kwenye programu iliyorekodiwa mapema na kutazamwa na jumla ya watu 7000 hivi kutia ndani wahubiri na watu wanaopendezwa. Nakala zilizochapishwa zinatarajiwa kupatikana Desemba 2023.

Ingawa kabla ya kutolewa kwa toleo hili kulikuwa na tafsiri kadhaa za Biblia katika lugha ya Fon, tafsiri hizo ziliondoa jina la Mungu, na zilitumia maneno ambayo hayakutoa maana sahihi iliyopatikana katika hati za awali za Biblia. Pia, zinauzwa kwa bei ghali, na baadhi ya wauzaji wanakataa kuwauzia Mashahidi wa Yehova.

Toleo hili jipya la Biblia la kitabu cha Mathayo linawasilisha kwa usahihi maana inayopatikana katika lugha za awali za Biblia. Kwa mfano, Mathayo 10:28 inasema: “Msiwaogope wale wanaoua mwili lakini hawawezi kuua nafsi.” Maelezo ya chini ya mstari huu yanafafanua kwamba neno la awali linalotafsiriwa nafsi linamaanisha “tumaini la kuishi.” Maelezo kama hayo yatawasaidia wahubiri katika huduma, wanapowafundisha watu wanaopendezwa.

Ndugu Palle Bjerre mshiriki wa Halmashauri ya Tawi ya Benin, alisema: “Machapisho yetu yametaja sana kitabu cha Mathayo. Tafsiri hii sahihi ya Injili ya Mathayo, itatusaidia sana katika kazi ya kuhubiri habari njema na kufundisha. Tunamshukuru sana Yehova na pia kikundi cha utafsiri kwa sababu ya kufanya kazi kwa bidii ili Biblia hii ipatikane.”

Tuna uhakika kwamba toleo hili litawasaidia sana ndugu na dada zetu wanaozungumza lugha ya Fon kutosheleza uhitaji wao wa kiroho na wa wengine pia.​—Mathayo 5:3.