Februari 2, 2024, upepo mkali pamoja na joto kali sana vilichangia kutokeza mioto miwili mikubwa sana katika eneo la pwani la Chile linaloitwa Valparaíso. Moto huo uliharibu zaidi ya nyumba 15,000 ndani ya jiji la Viña del Mar lenye idadi kubwa ya watu na katika maeneo yanayozunguka. Inakadiriwa kwamba watu 40,000 hivi wameathiriwa na moto huo. Wengi hawana umeme wala maji. Si rahisi kwa wazima-moto, madaktari, na wengine wanaotoa huduma za dharura kufika katika eneo hilo. Ripoti zinaonyesha kwamba mamia ya watu wamejeruhiwa. Zaidi ya watu 130 wamekufa.

• Inasikitisha kwamba dada 1 amekufa

• Ndugu 1 amejeruhiwa vibaya

• Ndugu na dada 24 wamepata majeraha madogo

• Ndugu na dada 715 wamehamishwa kutoka katika eneo hilo

• Nyumba 72 ziliharibiwa

• Nyumba 2 zilipata uharibifu mkubwa

• Nyumba 1 ilipata uharibifu mdogo

• Hakuna Majumba ya Ufalme yaliyoharibiwa

• Inakadiriwa kwamba ndugu na dada 4,700 wanaishi katika eneo lililoathiriwa

• Halmashauri ya Kutoa Msaada imepewa mgawo wa kuratibu jitihada za kutoa msaada

• Wawakilishi kutoka kwenye ofisi ya tawi ya Chile walitumwa katika eneo hilo kuwaimarisha ndugu na dada zetu. Pia waangalizi wa mzunguko na akina ndugu wanatunza mahitaji ya kiroho na ya kimwili ya walioathiriwa

Tuna uhakika kwamba Yehova anaona “mateso na taabu” ya wote walioathiriwa na mioto hiyo na hivi karibu ataondoa kabisa misiba yote ya asili.​—Zaburi 10:14.