Kwa mara ya pili ndani ya miaka kumi, mioto mibaya sana imesababisha uharibifu mkubwa nchini Chile. Wenye mamlaka wameripoti zaidi ya mioto 300 nchini kote kuanzia mapema Februari 2023. Kufikia sasa bado mioto mingi inaendelea. Imeharibu zaidi ya ekari 1,062,553 za ardhi katika maeneo ya katikati ya Araucanía, Biobío, na Ñuble. Inaripotiwa kwamba miundombinu muhimu nchini humo imeharibiwa kutia ndani barabara kuu na hospitali. Watu 6,000 hivi wameathiriwa na mioto hiyo, na zaidi ya nyumba 1,500 imeharibiwa. Kufikia sasa imeripotiwa kwamba watu 25 wamekufa.

• Hakuna ndugu au dada yetu ambaye amekufa

• Wahubiri 222 walilazimika kuhama; 76 bado hawajapata makao

• Nyumba 18 ziliharibiwa

• Hakuna Jumba la Ufalme ambalo liliharibiwa

• Wazee wa eneo hilo pamoja na waangalizi wa mzunguko wanaandaa utegemezo wa kiroho wenye upendo kwa wale walioathiriwa na msiba huo

• Halmashauri ya Kutoa Msaada imewekwa rasmi ili kuratibu jitihada za kutoa msaada

Katika hali hizo ngumu, ndugu na dada zetu wanaweza kuwa na uhakika kwamba Yehova, “ambaye hutufariji katika majaribu yetu yote,” yuko karibu nao.​—2 Wakorintho 1:4.