Januari 7, 2024, Ndugu Jules Bazié, mshiriki wa Halmashauri ya Tawi ya Côte d’Ivoire, alitangaza kutolewa kwa Biblia—Habari Njema Kulingana na Mathayo katika Kiyacouba kwenye programu ya pekee iliyofanywa Man, nchini Côte d’Ivoire. Watu 302, walihudhuria programu hiyo na wengine 257 waliunganishwa kupitia video mtandaoni. Nakala za kielektroni na rekodi za kusikiliza zilitolewa katika programu hiyo. Nakala zilizochapishwa zitapatikana hivi karibuni.

Inakadiriwa kwamba watu milioni 1.5 hivi wanaoishi Côte d’Ivoire, Guinea, na Liberia huzungumza Kiyacouba. Ndugu na dada wapatao 254 wanatumikia katika makutaniko manne na vikundi sita vya Kiyacouba nchini Côte d’Ivoire.

Hakuna tafsiri ya Biblia nzima katika Kiyacouba. Kuna tafsiri mbili za Maandiko ya Kigiriki ya Kikristo tu. Hata hivyo, tafsiri hizo hazina jina la Mungu, Yehova na lugha iliyotumika ni ngumu kuelewa. Kwa hiyo, Biblia—Habari Njema Kulingana na Mathayo imeshaanza kuwasaidia sana watu kwa sababu inaeleweka vizuri. Ndugu mmoja alisema: “Ilitulazimu kusoma mistari mingine polepole na nyakati nyingine mara kadhaa, ili tuelewe tulichokuwa tukisoma. Lakini sasa tunafurahi tunaposoma kitabu cha Mathayo kwa sababu tunaweza kufurahia kukisoma na hata tunakielewa kwa urahisi!”

Tunamshukuru Yehova kwa kuwaandalia ndugu na dada zetu wanaozungumza Kiyacouba zawadi hii nzuri sana na itakayowasaidia wengi ‘kuutafuta kwanza Ufalme.’​—Mathayo 6:33.