Jumamosi, Machi 5, 2022, Ndugu Alan Costa, mshiriki wa Halmashauri ya Tawi ya Ekuado, alitoa Tafsiri ya Ulimwengu Mpya ya Maandiko ya Kigiriki ya Kikristo. Hizo ndizo lahaja kuu za lugha ya Kwichua inayotumiwa nchini Ekuado. Biblia hizo, zilizochapishwa na za kidijitali, zilitolewa wakati wa programu iliyopeperushwa kwa wahubiri.

Idadi kubwa ya watu wanaozungumza Kikwichua wanaishi katika Milima ya Andes, kuanzia mita 2,700 hadi 3,700 juu ya usawa wa bahari. Watu hao huishi katika jamii zilizo na uhusiano wa karibu sana, na wanajulikana kwa ukarimu, bidii, na ukaribishaji-wageni. Wengi wao wanaamini kuna Muumba na wanaiheshimu sana Biblia.

Katika miaka ya 1990, Mashahidi wa Yehova walitafsiri machapisho katika lugha moja ya Kikwichua iliyounganisha lahaja mbalimbali zinazozungumzwa kotekote nchini Ekuado. Hata hivyo, ni watu wachache sana waliokubali ujumbe wa Ufalme katika eneo la Kikwichua. Ilikuwa wazi kwamba akina ndugu walihitaji machapisho yaliyotafsiriwa katika lahaja hizo mbalimbali ili wawe na matokeo.

Vikundi vya utafsiri vya Kwichua vilipata msaada kutoka kwa wahubiri wanaoishi katika maeneo mbalimbali nchini waliokagua tafsiri zao. Mtafsiri mmoja alisema hivi alipokuwa akizungumzia changamoto ya kutokeza Biblia ya Kichimborazo kwa ajili ya watu wanaoishi katika eneo hilo kubwa sana: “Kupitia maoni waliyotoa, tulifaulu kutokeza tafsiri ambayo kila mtu angeelewa.” Mtafsiri kutoka kwenye kikundi cha Kiimbabura anaeleza: “Yehova aliendelea kutuongoza, na niliona wazi kwamba angependa kila mtu ajue Neno lake na kulielewa.”

Tafsiri hizo mbili zitakuwa baraka kubwa kwa ndugu na dada wanaozungumza Kikwichua wanapoendelea kumtumikia Mungu wetu, Yehova, “ambaye ni Mwokozi wa watu wa namna zote.”​—1 Timotheo 4:10.