Septemba 27, 2024, maofisa wa polisi nchini Eritrea walivamia nyumba moja ya kibinafsi ambapo mkutano wa Mashahidi wa Yehova ulikuwa ukiendelea. Polisi waliwakamata watu 24: ndugu 6, dada 16, na watoto 2 wadogo. Siku tatu baadaye, wenye mamlaka walirudi na kumkamata dada mwenye umri wa miaka 85 anayeishi kwenye nyumba hiyo. Watoto hao 2 waliachiliwa baadaye lakini ndugu na dada 23 walipelekwa kwenye gereza la Mai Serwa.

Sasa kuna Mashahidi 63 wa Yehova ambao wamefungwa gerezani nchini Eritrea kwa sababu ya imani yao, kutia ndani 10 ambao wana umri wa zaidi ya miaka 70. Ndugu na dada hao walio gerezani, kutia ndani wale waliokamatwa hivi karibuni, walifungwa gerezani bila mashtaka yoyote na bila kufikishwa mahakamani.

Matukio haya ndiyo ya karibuni zaidi katika historia ndefu ya mateso ambayo Mashahidi wa Yehova wamekuwa wakikabili nchini Eritrea. Karibu miaka 30 iliyopita, Oktoba 25, 1994, rais wa Eritrea alifuta uraia wa Mashahidi wa Yehova ambao wamezaliwa nchini humo. Tangu wakati huo hasa, ndugu na dada zetu wamekuwa wakikabili mateso makali na kufungwa gerezani bila hatia.

Tunasikitishwa sana na mateso haya ambayo ndugu zetu wanakabili. Tunapoendelea ‘kuwakumbuka wale walio gerezani’ nchini Eritrea katika sala zetu, tuna uhakika kwamba Yehova ataendelea kuwafariji, kuwapa nguvu, na kuwasaidia kuvumilia.​—Waebrania 13:3.