Kimbunga Kammuri, kilichopewa jina la Tisoy nchini Filipino, kilitokea Desemba 2, 2019, katika eneo la Bicol kusini mwa Luzon. Ingawa hakuna Shahidi wa Yehova aliyekufa au kujeruhiwa, nyumba 108 za Mashahidi zimeharibiwa kabisa na zingine 478 zimeharibiwa kwa kadiri fulani. Kwa kuongezea, Majumba ya Ufalme 15 yameharibiwa.

Kwa kuwa kimbunga hicho kilisababisha madhara makubwa, Ofisi ya Tawi ya Filipino iliunda Halmashauri nane za kutoa msaada (DRC) ili ndugu na dada zetu wapate msaada wa kiroho na wa kimwili.

Tunasali kwa ajili ya ndugu zetu nchini Filipino, huku tukikumbuka maneno haya ya mtunga zaburi: “Yehova na akujibu katika siku ya taabu. . . . Na akuletee msaada kutoka mahali patakatifu.”—Zaburi 20:1, 2.