Oktoba 21, 2024, Kimbunga Trami a kilisababisha uharibifu mkubwa nchini Filipino. Kimbunga hicho kilikuwa na nguvu zaidi katika maeneo ya kaskazini mwa nchi na kilisababisha upepo mkali uliovuma kwa kilomita 160 kwa saa. Upepo mkali na mvua kubwa zilizotokana na kimbunga hicho zilisababisha mafuriko na maporomoko ya ardhi yaliyoharibu nyumba, barabara, na kufanya watu wakose umeme na maji. Kati ya watu milioni sita wanaoishi katika eneo lililoathiriwa, milioni moja walilazimika kuhama makazi yao. Watu 126 hivi walikufa.

• Kwa kusikitisha, dada mmoja alikufa

• Wahubiri 747 walilazimika kuhama makazi yao

• Nyumba 7 ziliharibiwa kabisa

• Nyumba 24 zilipata uharibifu mkubwa

• Nyumba 128 zilipata uharibifu mdogo

• Majumba 8 ya Ufalme yalipata uharibifu mdogo

• Waangalizi wa mzunguko na wazee wa eneo hilo, wanaendelea kushughulikia mahitaji ya kiroho na ya kimwili ya walioathiriwa na kimbunga hicho

• Halmashauri 5 za Kutoa Msaada zinasimamia jitihada za kutoa msaada

Tunasikitishwa na vifo na uharibifu uliosababishwa na kimbunga hicho. Hata hivyo, ahadi ya Biblia kwamba mambo hayo hayatakuwepo tena, inaendelea kutufariji na kutupatia tumaini.​—Isaya 25:8.