Novemba 17, 2023, tetemeko lenye ukubwa wa 6.7 lilipiga karibu na upande wa kusini wa Filipino. Tetemeko hilo lilitokea umbali wa kilomita 26 hivi kusini mwa kisiwa cha Mindanao. Katika Eneo la Davao, General Santos City, na katika mkoa wa Sarangani, majengo mengi yaliharibiwa kutia ndani majengo ya serikali, shule, na maduka makubwa. Nyumba nyingi pia ziliharibiwa.

• Inasikitisha kwamba dada 1 amekufa

• Ndugu na dada 10 wamejeruhiwa. Kati yao ni mke wa mwangalizi wa mzunguko ambaye alilazwa hospitalini lakini sasa anaendelea vizuri

• Nyumba 4 zimepata uharibifu mkubwa

• Nyumba 4 zimepata uharibifu mdogo

• Majumba 2 ya Ufalme yamepata uharibifu mdogo

• Halmashauri ya Kutoa Msaada imeanzishwa ili kusimamia kazi ya kutoa msaada

• Waangalizi wa mzunguko pamoja na wazee wa makutaniko wanaendelea kufanya ziara za uchungaji kwa wale walioathiriwa

Tunaendelea kusali kwa ajili ya ndugu na dada zetu ambao wameathiriwa na tetemeko la ardhi na tunawashukuru wale ambao wanaendelea kuwatunza. Tuna uhakika kwamba ingawa tunaishi katika nyakati hizi ngumu zenye mahangaiko mengi, Yehova, Mwamba wetu, atatupatia nguvu za kuendelea kuvumilia.​—1 Samweli 2:2.