SEPTEMBA 4, 2017
FINLAND
Mashahidi wa Yehova Waandaa Faraja Baada ya Shambulizi la Turku, Finland
HELSINKI—Ijumaa alasiri, Agosti 18, 2017, dada yetu aliuawa nchini Finland. Uchunguzi unafanywa kuona ikiwa lilikuwa shambulizi la kigaidi linalowalenga wanawake. Zaidi ya dada yetu, mvamizi alimwua mwanamke mwingine mmoja na kuwajeruhi watu wanane katika shambulizi lililotukia katika soko la Turku, jiji lililo kusini magharibi ya ufuo wa Finland. Muda mfupi baada ya shambulizi hilo, wawakilishi kutoka ofisi ya tawi ya Finland, mwangalizi wa mzunguko na wazee wa eneo hilo waliandaa faraja na kuwategemeza walioathiriwa na tukio hilo.
Veikko Leinonen, msemaji wa ofisi ya tawi ya Finland, alisema hivi: “Hili ni tukio lenye kusikitisha na kushtua sana. Tunasikitika sana kwamba mmoja wa mapainia wetu wapendwa ameuawa katika shambulizi hili alipokuwa kwenye utumishi wa kigari. Tunajua kwamba licha ya kuchukua tahadhari, si rahisi sikuzote kuzuia ‘matukio yasiyotarajiwa,’ kutia ndani matendo ya ukatili na ugaidi. Hata hivyo, tunaendelea kufarijiana, hasa kufariji familia ya dada yetu aliyeuawa. Tunasali kwamba Yehova awape amani ya moyoni wale wanaoomboleza kwa sababu ya tukio hili. Pia, tutaendelea kuchukua hatua zinazohitajiwa kutoruhusu mahangaiko yasiyo ya lazima yatulemee tunapoendelea tujitahidi kuhubiri.”—Mhubiri 9:11; Waroma 15:13; Wafilipi 4:6, 7.
Ili kuandaa faraja ya kihisia na kiroho, ofisi ya tawi ilituma barua kwa makutaniko yote nchini Finland. Pia, ofisi ilipanga mkutano wa pekee ili kuwatia moyo ndugu na dada 135 wanaosaidia kazi ya kuhubiri hadharani jijini Turku. Mapainia wameonyesha ujasiri na wana hamu ya kuendelea kuhubiri hadharani.
Watu wengi jijini Turku wamehuzunika kwamba shambulizi hilo limetokea nchini Finland, nchi inayotambuliwa kuwa kati ya nchi salama zaidi duniani. Hata siku hiyo ya shambulizi ndugu zetu walisikiliza kwa huruma na kuandaa faraja ya kiroho walipohubiri sokoni na nyumba kwa nyumba.
Ofisi ya tawi nchini Finland inathamini ndugu wa ulimwenguni pote kwa sala nyingi walizotoa na jumbe walizoandika ili kuwategemeza ndugu zao. (1 Petro 2:17; 5:9) Isitoshe, sote kwa pamoja tunamshukuru Yehova, “Mungu anayetoa uvumilivu na faraja.”—Waroma 15:5.
Wanahabari Wanaweza Kuwasiliana na:
David A. Semonian, Ofisi ya Habari za Umma, simu +1-845-524-3000
Finland: Veikko Leinonen, simu +358-400-453-020
Huenda Ukapenda Pia
TAARIFA ZA HABARI
Mashahidi Katika Kusanyiko Nchini Angola Walemewa na Gesi Yenye Sumu
TAARIFA ZA HABARI
Mashahidi Katika Jamhuri ya Afrika ya Kati Wakimbia Vita
Mashahidi wa Yehova ni miongoni mwa mamia ya maelfu katika Jamhuri ya Afrika ya Kati waliokimbilia mataifa jirani ili kutoroka vita vya kikabila na kidini.
TAARIFA ZA HABARI
Mashahidi wa Yehova Watoa Msaada kwa Watu Walioathiriwa na Vita Nchini Kongo
Mashahidi wa Yehova wanatoa misaada na kuwategemeza kiroho waabudu wenzao walioathiriwa na vita vinavyoendelea katika eneo la Kasai katika Jamhuri ya Kidemokrasia ya Kongo.