NOVEMBA 24, 2017
FINLAND
Mashahidi wa Yehova Waanza Tena Utumishi wa Hadharani Katika Eneo la Turku, Finland
HELSINKI—Siku kadhaa baada ya shambulizi hatari la kigaidi katika eneo la Turku, Finland, lililotukia Agosti 18, 2017, maofisa wa jiji waliwakaribisha Mashahidi wa Yehova waendelee na mahubiri ya hadharani katika eneo la soko.
“Mashahidi wamekuwa hapo sikuzote na ni sehemu ya mandhari ya eneo hili,” alisema Bw. Teemu Rissanen, ambaye anasimamia eneo la soko la Turku. “Wakati uliopita, Mashahidi walipokosekana, wakaaji walihangaika na kuuliza, ‘Wako wapi?’ Mashahidi wanajulikana kwa mtazamo mzuri na ni wenye fadhili, sifa hizo zinafaa sana eneo hili.”
Veikko Leinonen, msemaji katika ofisi ya tawi ya Finland anasema hivi: “Tumethamini jinsi maofisa wa jiji hili walivyotutendea kwa fadhili na jinsi wakaaji wa Turku walivyoonyesha kwamba wanatuhangaikia. Maofisa hao hata wameturuhusu kutumia kibanda kinachoandaa ulinzi zaidi na kutukinga. Tunafurahi kuendelea kushiriki ujumbe wenye kufariji wa Biblia pamoja na majirani wetu hapa Turku.”
Wanahabari Wanaweza Kuwasiliana na:
David A. Semonian, Ofisi ya Habari za Umma, simu +1-845-524-3000
Finland: Veikko Leinonen, +358-400-453-020
Huenda Ukapenda Pia
TAARIFA ZA HABARI
Mashahidi wa Yehova Waandaa Faraja Baada ya Shambulizi la Turku, Finland
Ofisi ya tawi ilipochukua hatua mara moja baada ya msiba, iliwafariji Mashahidi na wengine ambao si Mashahidi walioathiriwa na tukio hilo.
TAARIFA ZA HABARI
Maofisa Nchini Thailand Watumia Machapisho ya Mashahidi wa Yehova Kuisaidia Jamii
Kwa miaka mitatu iliyopita, maofisa nchini Thailand wamekuwa wakitumia machapisho ya Mashahidi kushughulikia masuala ya kijamii.
KAZI YA KUHUBIRI
Zaidi ya Vigari 165,000 vya Kukokotwa
Ingawa huduma ya nyumba kwa nyumba bado ndiyo njia ya msingi ambayo Mashahidi wa Yehova hutumia kujulisha kweli za Biblia, vigari vya kukokotwa vyenye machapisho vimekuwa na matokeo makubwa katika kuwafikia watu.