Juni 30, 2023, Ndugu Joni Shalamberidze, mshiriki wa Halmashauri ya Tawi ya Georgia alitoa Biblia—Habari Njema Kulingana na Mathayo katika Kimingrelia. Hicho ndicho kitabu cha kwanza cha Biblia kutolewa katika lugha hiyo. Watu 627 walikuwepo Biblia hiyo ilipotolewa katika Kusanyiko la Eneo la 2023 la “Iweni na Subira”! lililofanyika kwenye Jumba la Kusanyiko lililo Zugdidi, Georgia. Nakala zilizochapishwa na pia nakala za kielektroni zilipatikana.

Kimingrelia kinatumiwa hasa na wale wanaoishi katika eneo la Samegrelo magharibi mwa Georgia. Katika mwaka wa 2019, Mashahidi wa Yehova walianzisha ofisi ya utafsiri jijini Zugdidi.

Mashahidi wa Yehova ni miongoni mwa mashirika machache ambayo yamechapisha habari katika Kimingrelia. Mtafsiri mmoja alisema: “Kwa kuwa Kimingrelia ni lugha ambayo huzungumzwa tu, hakuna viwango vya sarufi na vya uandishi katika Kimingrelia. Hiyo ndiyo changamoto kubwa zaidi tuliyokabili. Uamuzi ulifanywa wa kufuata sheria za sarufi za Kigeorgia na wakati huohuo kuzingatia kwa makini jinsi Kimingrelia kinavyozungumzwa.”

Kwa kuongezea, baadhi ya maneno yanayotumiwa katika Biblia hayapo katika Kimingrelia. Kwa mfano, neno “tubu” halipo. Kwa hiyo, watafsiri walifafanua wazo la neno hilo na kusema “kuhuzunika kwa sababu ya kutenda kosa.”

Tunashangilia pamoja na ndugu na dada zetu wanaozungumza Kimingrelia wanapoendelea kutumia tafsiri hii mpya ili kuwasaidia watu wengi zaidi “walio na njaa na kiu ya uadilifu.”​—Mathayo 5:6.