Jumapili, Aprili 24, 2022, Ndugu Mark Sanderson, wa Baraza Linaloongoza, alitoa toleo lililorekebishwa la Biblia Takatifu—Tafsiri ya Ulimwengu Mpya katika lugha ya Twi (cha Asante). Biblia ilipatikana kwa ajili ya kupakuliwa baada tu ya hotuba hiyo.

Lugha ya Twi (cha Asante) na Twi (cha Akuapem) ni baadhi ya lugha katika kundi la lugha za Akan, zinazozungumzwa na mamilioni ya watu Magharibi mwa Afrika. Tafsiri ya Biblia ya lugha ya Twi ilipatikana kwa mara kwanza mnamo 1871, lakini ilikuwa ya lugha ya Twi (cha Akuapem) pekee. Mwaka wa 1897, tafsiri nyingine ya Biblia ya lugha ya Twi (cha Akuapem) ilitolewa. Toleo la kwanza la Biblia katika lugha ya Twi (cha Asante) lilitolewa mwaka wa 1964. Mwaka wa 2012, Mashahidi wa Yehova walitokeza Tafsiri ya Ulimwengu katika lugha ya Twi (cha Asante).

Anapofikiria jinsi mradi huo ulivyokuwa, mtafsiri mmoja anasema hivi: “Mwanzoni, tulihisi tumelemewa kwa sababu kazi ilikuwa nyingi sana. Hata hivyo, tulisali mara nyingi na tulitegemea kabisa roho ya Yehova. Kwa sababu hiyo, tulijionea msaada wa Yehova kila siku.”

Toleo lililorekebishwa la Tafsiri ya Ulimwengu Mpya katika lugha ya Twi (cha Asante) ni zawadi nyingine itakayowasaidia ndugu na dada wanaozungumza lugha ya Twi wanapoendelea kumtumikia Mungu wetu mkarimu, Yehova.​—Yakobo 1:17.