Aprili 2, 2022, Ndugu Alberto Rovira, mshiriki wa Halmashauri ya Tawi ya Hispania, alitoa Biblia Takatifu—Tafsiri ya Ulimwengu Mpya ya lugha ya Catalan katika mfumo wa kielektroni. Mashahidi zaidi ya 3,000 wanaozungumza lugha hiyo katika eneo la Andorra na maeneo mengine ya Hispania, kutia ndani Kisiwa cha Balearic, Catalonia, na Valencia, walitazama programu hiyo ya pekee mtandaoni kupitia JW Stream. Nakala zilizochapishwa zitapatikana miezi ya karibuni.

Watafsiri wamekuwa wakitokeza Biblia katika Kikatalan tangu karne ya 13. Tafsiri moja la pekee ya Kikatalan inaitwa Rhymed Bible, ambayo ilichapishwa kati ya mwaka 1282 na 1325. Ina ufafanuzi wa vitabu 18 vya Biblia ulioandikwa kama mashairi, na hilo huwasaidia wasomaji kukumbuka maandiko.

Tafsiri nyingi za Biblia zinazopatikana katika Kikatalan zinatumia maneno ya zamani ambayo ni magumu kwa wasomaji kuelewa. Tafsiri nyingine zimeondoa kabisa jina Yehova au zina mambo yasiyo sahihi.

Ndugu Rovira alisema hivi wakati wa programu: “Tunaweza kuwa na uhakika kwamba Biblia hii inawasilisha mawazo ya Mungu kwa usahihi katika lugha yetu ya mama.”

Tunafurahi kwamba watu wanaozungumza Kikatalan watanufaika kikamili na nguvu za Neno la Mungu.​—Waebrania 4:12.