JUNI 28, 2021
INDIA
Tafsiri ya Ulimwengu Mpya ya Maandiko Matakatifu ya Lugha ya Tamil Imetolewa Katika Maandishi ya Kiroma Nchini India
Juni 27, 2021, Biblia Takatifu—Tafsiri ya Ulimwengu Mpya katika lugha ya Tamil ilitolewa katika maandishi ya Kiroma. Programu hiyo iliyopeperushwa kupitia njia ya video, ilitazamwa na ndugu na dada wanaozungumza lugha ya Tamil katika nchi 16 mbalimbali.
Mambo Makuu
Lugha ya Tamil inazungumzwa na karibu watu milioni 85 ulimwenguni pote
Zaidi ya wahubiri 20,500 wanatumikia katika makutaniko 334 na vikundi 32 vinavyozungumza lugha ya Tamil
Watafsiri 5 walitumia muda wa miezi 6 kumaliza kazi hiyo
Tafsiri ya Ulimwengu Mpya katika maandishi lugha ya Tamil ilitolewa Septemba 2016. Imekuwa baraka kubwa kwa wanaozungumza lugha ya Tamil ulimwenguni pote. Lakini baadhi ya watu wanaozungumza lugha ya Tamil wanaona vigumu kusoma maandishi ya lugha ya Tamil na wanapendelea maandishi ya Kiroma.
Mtafsiri mmoja anasema hivi kuhusu funzo lake la kibinafsi la Biblia: “Ninaona vigumu kusoma maandishi ya lugha ya Tamil na ilinilazimu kutegemea tafsiri ya Kiingereza. Toleo hili jipya litanisaidia sana.”
Tuna uhakika kwamba tafsiri hii ya Biblia itawasaidia ndugu na dada wengi kusoma Neno la Mungu “kwa sauti ya chini” na kupata shangwe na mafanikio katika maisha yao na utumishi wao.—Yoshua 1:8.