Novemba 17, 2023, Tafsiri ya Ulimwengu Mpya ya Maandiko ya Kigiriki ya Kikristo ilitolewa katika Kikonkani (cha Kiroma). Watu 413 walikuwepo Biblia hiyo ilipotolewa katika mfumo wa kielektroni kwenye Kusanyiko la Eneo la 2023 la “Iweni na Subira”! lililofanyika Margao, nchini India. Nakala zilizochapishwa zitapatikana hivi karibuni.

Kikonkani kinazungumzwa na zaidi ya watu milioni tatu wanaoishi katika pwani ya magharibi ya India na kinaandikwa katika maandishi ya aina tano tofauti. Kikonkani (cha Kiroma) kinazungumzwa na watu 500,000 hivi wanaoishi katika jimbo la Goa, nchini India. Kwa sasa, zaidi ya wahubiri 400 wanatumikia katika makutaniko saba ya Kikonkani (cha Kiroma). Kabla ya Biblia hii kutolewa, kulikuwa na tafsiri nyingine moja ya Biblia iliyopatikana katika Kikonkani (cha Kiroma).

Tafsiri hii inatumia maneno yaliyo wazi na ina ufafanuzi mzuri hivi kwamba inafanya iwe rahisi zaidi kwa msomaji kutambua sifa za Yehova. Ndugu mmoja alisema hivi: “Tafsiri tuliyotumia awali ilisema hivi kwenye Yohana 21:17: ‘lisha kondoo wangu.’ Lakini Tafsiri ya Ulimwengu Mpya inasema: ‘lisha kondoo wangu wadogo.’ Neno hilo hunisaidia kuwazia upendo mwororo ambao Yehova na Yesu wanao kutuelekea.”

Tunamshukuru sana Yehova kwa tafsiri hii mpya. Tuna uhakika kwamba wengi zaidi watavutiwa na sifa zake zenye kustaajabisha na kutamani kuwa na urafiki pamoja naye.​—Zaburi 25:14.