Mwishoni mwa Julai na mwanzoni mwa Agosti, matetemeko kadhaa na matetemeko madogo yalipiga kisiwa cha Lombok, Indonesia, yakaua watu 436 na watu 350,000 wamepoteza makao. Tetemeko moja la ukubwa wa 7.0, liliharibu kabisa majengo na kusababisha madhara yanayokadiriwa kuwa mamilioni ya dola.

Ripoti za ofisi ya tawi ya Jakarta zinaonyesha kwamba hakuna ndugu aliyejeruhiwa au kufa, ingawa nyumba za wahubiri kadhaa zimeharibiwa. Pia, jengo linalotumiwa na wahubiri 40 kwa ajili ya mikutano, yaani, kutaniko pekee kisiwani humo liliharibiwa. Wawakilishi wawili kutoka ofisi ya tawi walisafiri kwenda kwenye eneo lililoathiriwa kuchunguza uhitaji uliopo wa kutoa msaada na pia kuwafariji akina ndugu.

Tunaendelea kusali kwa ajili ya ndugu zetu katika kipindi hiki kigumu, tukijua kwamba Yehova anaweza ‘kuwafariji katika majaribu yao yote.’—2 Wakorintho 1:4.