Maeneo ya Israeli na Palestina

• Mei 10, 2021, mapigano yalizuka katika maeneo ya Israeli na Palestina na kusababisha vifo vya watu wengi

• Mapigano hayo yalisababisha uharibifu wa mali binafsi na za umma katika miji ya Israeli iliyo na wakaaji Wayahudi na Waarabu

• Hakuna mhubiri yeyote aliyejeruhiwa kati ya wahubiri zaidi ya 2,000 wanaoishi katika maeneo ya Israeli na Palestina

• Wahubiri 73 kutia ndani watumishi wa pekee wa wakati wote 15 walio shambani, walilazimika kuhama makazi yao. Wanabetheli 13 walilazimika kuishi pamoja katika nyumba zilizokuwa na vyumba vya kujilinda dhidi ya mabomu

• Nyumba 6 ziliharibiwa kidogo

• Halmashauri ya Kutoa Msaada inasimamia jitihada za kutoa msaada na inafanya kazi na waangalizi wa mzunguko na wazee wa eneo hilo ili kutoa misaada inayohitajiwa

• Waangalizi wa mzunguko wanashirikiana na wazee ili kuwategemeza wahubiri kiroho

• Jitihada zote za kutoa msaada zinafanywa kwa kuzingatia tahadhari za ugonjwa wa COVID-19

Kwa kuwa sasa programu za kiroho hufanywa kupitia video mtandaoni, mikutano ya kutaniko iliendelea kufanywa kama kawaida. Mei 15, ndugu na dada waliweza kutazama programu ya kusanyiko la mzunguko kupitia JW Stream–Studio. Programu ya mchana ilikatizwa mara tatu na ving’ora vilivyopigwa na serikali. Ving’ora hivyo viliwawezesha akina ndugu kujificha chini ya ngazi au vyumba vya kujilinda dhidi ya mabomu kwa muda fulani ili wajikinge. Licha ya mgogoro huo, jumla ya wahubiri 804 waliunganishwa na kutazama kusanyiko katika Kiebrania. Kwa kuongezea, wahubiri 297 waliunganishwa na kutazama kusanyiko katika Kitagalog. Mei 22, makutaniko matano ya lugha ya Kiarabu nchini Israeli na katika maeneo ya Wapalestina wanatarajia kufanya kusanyiko lao la mzunguko.

Ndugu na dada zetu walioathiriwa na mgogoro huo wanaendelea kumtumaini Yehova na kumfanya kuwa kimbilio lao.—Zaburi 91:1, 2, 5.