Tangu Oktoba 7, 2023, kumekuwa na jeuri na mapigano makali nchini Israel na kwenye Ukanda wa Gaza. Mamia ya maelfu ya watu wamelazimika kuhama makao yao. Ripoti zinaonyesha kwamba watu 4,200 hivi tayari wamekufa.

• Hakuna ndugu au dada ambaye amekufa au kujeruhiwa

• Wahubiri 93 wamelazimika kuhama makao yao

• Nyumba 3 zimepata uharibifu mdogo

• Hakuna Jumba la Ufalme ambalo limeharibiwa

• Waangalizi wa mzunguko wanashirikiana na wazee kutoa msaada wa kiroho na wa kimwili kwa wale walioathiriwa na vita hivyo

• Halmashauri ya Kutoa Msaada imewekwa rasmi kusimamia jitihada za kutoa msaada

Ndugu zetu katika maeneo yaliyoathiriwa wanajitahidi kudumisha ratiba yao ya kiroho kwa kuendelea kukutana pamoja kupitia video iliyounganishwa mtandaoni. Mwangalizi mmoja wa mzunguko alisema hivi: “Ingawa haijulikani ni nini ambacho kitatokea kesho, inatia moyo kuona imani yenye nguvu na upendo usio na ubinafsi ambao ndugu na dada zetu wanaonyeshana.”

Tunatazamia kwa hamu kuona utimizo wa ahadi ya Biblia kwamba hivi karibuni Mungu ‘atakomesha vita katika dunia yote.’​—Zaburi 46:9.