JANUARI 22, 2018
ISRAEL
Maonyesho Jijini Tel Aviv Yaonyesha Mambo Ambayo Mashahidi wa Yehova Walikabili Wakati wa Utawala wa Nazi
TEL AVIV—Kuanzia Novemba 26 hadi Desemba 2, 2017, watu 1,700 hivi walitembelea maonyesho ya umma yaliyofanywa na Mashahidi wa Yehova katika eneo la kihistoria la Hatachana. Maonyesho hayo yalikusudiwa kuwafanya watu wafahamu zaidi kuhusu mateso ambayo Mashahidi wa Yehova walikabili chini ya utawala wa Nazi.
Maonyesho hayo yalitia ndani video na picha za zamani, kutia ndani koti lililotumiwa kama sare katika kambi ya mateso. Koti hilo lilishonwa upya na Shahidi aliyeokoka kambi ya mateso. Picha 27 zilizochorwa na Johannes Steyer (1908-1998) zinazoitwa “The Buchenwald Series” (Mfululizo wa Buchenwald) ndizo zilizowekwa katikati kabisa ya maonyesho hayo. Bw. Steyer ambaye alikuwa Shahidi wa Yehova, aliteswa na Wanazi kwa miaka kumi, na hata alifungwa katika kambi za mateso zinazojulikana sana kwa ukatili za Buchenwald, Mauthausen, Sachsenburg, na Sachsenhausen. Katika miaka ya 1970, alikamilisha kuchora picha za mfululizo wake ambazo alichora kwa kutegemea picha zilizopigwa na na mambo aliyokumbuka ya wakati wa kifungo chake.
Wageni wakitazama koti lililotumiwa kama sare katika kambi ya mateso lililoshonwa upya na Shahidi aliyeokoka kambi ya mateso.
Profesa Mstaafu Yair Auron
Yair Auron, mwanahistoria na profesa mstaafu wa Israel katika Chuo Kikuu cha Israel, alisema hivi alipokuwa akizungumzia umuhimu wa kufanya maonyesho kama hayo jijini Tel Aviv: “Nafikiri ni muhimu sana kwa vijana walio katika shule za sekondari kutembelea maonyesho haya, kwa sababu inasikitisha kwamba ni mambo machache sana yanayojulikana kuhusu Mashahidi wa Yehova. Watu wengi nchini Israel hawajui chochote kuwahusu Mashahidi wa Yehova na mambo waliyokabili wakati wa kipindi cha Wanazi.”
Mauro Trapanese, msemaji wa Mashahidi wa Yehova nchini Israel, anaeleza hivi: “Tulitaka maonyesho hayo yawafundishe watu si tu kuhusu mateso ambayo Mashahidi wa Yehova walikabili chini ya utawala wa Wanazi bali pia ni nini kinachofanya mateso ya Mashahidi kuwa ya pekee. Kwa mfano, tuligundua kwamba wageni wengi hawakujua kwamba tofauti na vikundi vingine, Mashahidi wa Yehova walipewa nafasi ya kuachiliwa kutoka kwenye kambi za mateso ikiwa wangeikana dini yao. Kukazia mambo hayo muhimu kulifanya maonyesho hayo yawavutie sana watu.”
PDakt. Batya Brutin
“Profesa Gideon Greif, mwanahistoria anayechunguza hasa historia ya Auschwitz, alisema hivi: “Mashahidi wa Yehova walikuwa kati ya watu wazuri walioteswa na kuuawa kwa sababu ya kushikilia imani yao kwa ushikamanifu na kusikiliza dhamiri yao.
Dakt. Batya Brutin
Dakt. Batya Brutin, mwanahistoria wa sanaa za yale Maangamizi Makubwa, alisema hivi akitoa muhtasari wa matembezi yake: “Nafikiri kujifunza kuhusu mambo ambayo Mashahidi wa Yehova walikabili wakati wa kipindi cha Wanazi kunaweza kutusaidia kutambua viwango ambavyo vinaweza kuifanya dunia hii iwe mahali bora zaidi.”
Ingawa wasimamizi walipanga maonyesho hayo yafanywe mara moja tu, wawakilishi wa taasisi kadhaa za elimu waliohudhuria waliomba habari za ziada kuhusu mambo ambayo Mashahidi wa Yehova walikabili.
Wanahabari Wanaweza Kuwasiliana na:
David A. Semonian, Ofisi ya Habari za Umma, +1-845-524-3000
Israel: Mauro Trapanese, +972-54-568-1912
Huenda Ukapenda Pia
TAARIFA ZA HABARI
Mashahidi Nchini Israel Wafanya Jitihada za Pekee Kushiriki Mahubiri ya Hadharani
In May 2019, Mashahidi wa Yehova nchini Israel wamefanya jitihada za pekee kushiriki katika mahubiri ya hadharani jijini Tel Aviv.
TAARIFA ZA HABARI
Uzinduzi wa Jiwe la Msingi la Kumbukumbu ya Mashahidi wa Yehova Walioteswa na Wanazi na Wafashisti Nchini Italia
Tukio hilo lilifanyika huko Risiera di San Sabba in Trieste, Italia, ili kuwakumbuka maelfu ya Mashahidi wa Yehova walioteswa na Wanazi kotekote barani Ulaya.
Mji wa Austria Wawakumbuka Mashahidi wa Yehova 31 Ambao ni Waathirika wa Utawala wa Nazi
Jiwe la msingi la Techelsberg lilifunguliwa kwa ajili ya kuwakumbuka Mashahidi wa Yehova waliouawa au kufungwa gerezani katika kambi za mateso za Wanazi wakati wa Vita vya Pili vya Ulimwengu.
TAARIFA ZA HABARI
Bamba la Kuwakumbuka Mashahidi Waliouawa na Wanazi Lazinduliwa Nchini Hungaria
Bamba lazinduliwa jijini Budapest kwenye Kituo cha Makumbusho cha Yale Maangamizi Makubwa ya Wanazi ili kuwakumbuka Mashahidi wanne wa Yehova waliouawa kwa sababu ya kukataa kujiunga na jeshi wakati wa Vita vya Pili vya Ulimwengu.
TAARIFA ZA HABARI
Video Fupi: Jehovah’s Witnesses Stand Firm Against Nazi Assault
Walioshuhudia August Dickmann akiuawa hadharani katika kambi ya mateso ya Sachsenhausen waelezea tukio hilo.