NOVEMBA 22, 2017
ITALIA
Wakimbizi Kwenye Kambi Kubwa Zaidi Barani Ulaya Wakaribishwa na Mashahidi wa Yehova
ROMA—Kambi kubwa zaidi ya wakimbizi barani Ulaya katika mji wa Mineo (Cara di Mineo), kwenye kisiwa cha Kiitaliano cha Sicily. Maelfu ya wakimbizi kutoka mataifa zaidi ya 40 kama vile Eritrea, Nigeria, Somalia, na Siria wamekimbilia kwenye kambi hiyo.
Kwa miaka mitano iliyopita, Mashahidi wa Yehova wamekuwa wakitembelea kambi hiyo (picha juu) ili kuwafundisha Biblia watu wote wanaopendezwa bila malipo. Wenye mamlaka katika Cara di Mineo walifanikisha kupatikana kwa basi lenye uwezo wa kubeba abiria 50 ili kuwachukua wakimbizi wowote waliotaka kuhudhuria ibada ya Mashahidi, na tangu wakati huo wengi wamekuwa wakisafiri kwenda kwenye Jumba la Ufalme (mahali pa ibada) kila juma. Bi. Ivana Galanti, katibu msimamizi kwenye kambi ya Cara di Mineo, anasema hivi kuhusu kushirikiana na Mashahidi wa Yehova: “Ninatambua na kuthamini kazi ambayo wamefanya kwa ajili ya wageni wetu. Ninawafikiria wakimbizi ambao wanajikuta katika mazingira wasiyoyajua, wamekimbia hali zenye kuhuzunisha, au hata hatari, wakikaribishwa [na Mashahidi wa Yehova] ni jambo linalowaridhisha na kuwatuliza sana.”
Humphrey Osagiede alikimbia kutoka nyumbani kwao Nigeria, akapitia Libya, na akawasili kwenye kambi ya Cara di Mineo mwaka wa 2011. Sasa anaishi jijini Palermo, Italia, na ni mmoja wa Mashahidi wa Yehova.
Humphrey Osagiede, mwanamume Mnigeria aliyefika kwenye kambi hiyo mwaka wa 2011, alianza kujifunza Biblia na Mashahidi na akabatizwa Novemba 23, 2014. Anaeleza hivi: “Biblia ilibadili sana maisha yangu. Niliacha kutumia dawa za kulevya, pia niliacha kuwa na maadili mapotovu. Nilipowasili, Mashahidi walinisaidia kimwili na kiroho. Pia, ninawashukuru wanaosimamia kambi hii kwa jitihada walizofanya kutuandalia usafiri ili tuhudhurie ibada ya Mashahidi wa Yehova.” Bw. Osagiede sasa anaishi na kufanya kazi jijini Palermo, Italia, na anafurahia kushiriki ujumbe wa Biblia ambao ulimsaidia yeye na wengine, kutia ndani wakimbizi.
Christian Di Blasio, msemaji wa Mashahidi wa Yehova nchini Italia anasema hivi: “Kazi yetu ni kuwasaidia watu waelewe kile ambacho Biblia inafundisha. Kufanya kazi pamoja na wanaoshughulikia kambi ya Cara kumewapa wakimbizi fursa ya kunufaika kutokana na elimu ya Biblia, elimu inayotosheleza mahitaji ya kiroho na kihisia.”
Wanahabari Wanaweza Kuwasiliana na:
David A. Semonian, Ofisi ya Habari za Umma, simu +1-845-524-3000
Italia: Christian Di Blasio, simu +39-06-872941
Huenda Ukapenda Pia
KUSAIDIA JAMII
Kuwasaidia Wakimbizi wa Ulaya ya Kati
Wakimbizi hawahitaji tu msaada wa vitu vya kimwili. Mashahidi wanajitolea kuwapa faraja na tumaini kwa kuwaeleza ujumbe wenye kufariji kutoka katika Biblia.
KUSAIDIA JAMII
Mashahidi wa Yehova Wapewa Tuzo kwa Kuwasaidia Wafungwa
Mashahidi tisa wa Yehova wametoa huduma gani bora kwa wafungwa wa gereza moja kubwa nchini Australia?
TAARIFA ZA HABARI
Maofisa Nchini Italia Watoa Eneo kwa Ajili ya “Jumba la Ufalme” Ndani ya Gereza kwa Manufaa ya Wafungwa
Maamuzi hayo yalifanywa kutokana na matokeo mazuri ya elimu ya Biblia ambayo imetolewa na Mashahidi kwa wafungwa wa gereza la Bollate kwa miaka 13.