DESEMBA 21, 2017
KAZAKHSTAN
Mahakama Kuu ya Kazakhstan Imekataa Rufaa ya Teymur Akhmedov
Desemba 4, 2017, Mahakama Kuu ya Kazakhstan ilitupilia mbali rufaa ya Teymur Akhmedov ya kupinga kushtakiwa isivyo haki kwa madai ya kushiriki utendaji wa kidini kinyume cha sheria. Ukweli ni kwamba alikuwa tu akiwaeleza wengine kuhusu imani yake ya kidini. Bw. Akhmedov amefungwa tangu alipokamatwa Januari 18, 2017, kwa kuhusishwa katika kesi ambayo ilitayarishwa kama mtego na askari wa siri. Mwezi Mei alishtakiwa katika mahakama ya wilaya na akahukumiwa kifungo cha miaka mitano gerezani, hukumu ambayo iliungwa mkono na mahakama ya rufaa Juni 20, 2017.
Ilipochunguza rufaa yake, Mahakama kuu ilipuuza uamuzi wa hivi karibuni wa Kamati ya Umoja wa Mataifa Inayoshughulikia Vifungo Visivyo vya Haki, ambayo ilisema kwamba Kazakhstan ina hatia ya kumfunga isivyo haki Bw. Akhmedov na kukiuka uhuru wake wa ibada. Licha ya kuwa na afya mbaya, Bw. Akhmedov anadumisha imani yenye nguvu na anamtegemea Mungu kikamili. Bw. Akhmedov anashukuru kwa jitihada kubwa zinazofanywa ili aweze kutoka mapema gerezani, hata ingawa kufikia sasa jitihada hizo hazijafanikiwa na anashukuru kwamba waabudu wenzake ulimwengu pote wanaendelea kusali kwa ajili yake ili aweze kuachiliwa mapema.
Huenda Ukapenda Pia
TAARIFA ZA HABARI
Teymur Akhmedov Ameachiliwa kwa Msamaha wa Rais
Rais wa Kazakhstan Nursultan Nazarbayev amempa msamaha Teymur Akhmedov, ambaye alikuwa amefungwa kwa zaidi ya mwaka mmoja kwa kuwaeleza wengine kuhusu imani yake ya dini. Msamaha huo umefuta rekodi yake ya uhalifu.
TAARIFA ZA HABARI
Kazakhstan Imepatikana na Hatia ya Kumfunga Isivyo Haki Teymur Akhmedov
Kikundi cha Umoja wa Mataifa Kinachoshughulikia Vifungo Vilivyo Kinyume cha Sheria kimeeleza kwamba Kazakhstan ina hatia ya kumkamata na kumfungulia mashtaka isivyo haki Bw. Akhmedov kwa sababu ya kuwaeleza kwa amani watu wengine mambo anayoamini.
TAARIFA ZA HABARI
Kazakhstan Inakandamiza Uhuru wa Ibada na Kumhukumu Teymur Akhmedov
Licha ya hali mbaya ya afya ya Bw Akhmedov, mahakama ya Astana ilimhukumu kifungo cha miaka mitano gerezani kwa sababu ya kuwahubiria wengine kuhusu imani yake.
TAARIFA ZA HABARI
Kazakhstan Imesitisha Utendaji wa Makao Makuu ya Mashahidi Nchini Humo
Mahakama jijini Almaty, Kazakhstan, imesitisha utendaji wa Kituo cha Kikristo cha Mashahidi wa Yehova nchini Kazakhstan kwa miezi mitatu.