Januari 30, 2017, Mahakama ya Jiji la Astana ilikataa kukubali rufani ya kuwaachilia Teymur Akhmedov na Asaf Guliyev kutoka mahabusu. Teymur na Asaf walikamatwa Januari 18 kwa sababu ya kuzungumza na kikundi cha wanaume waliojifanya kuwa wanapendezwa na imani ya dini ya Mashahidi wa Yehova. Mashahidi hao wawili walishtakiwa kwa madai ya “kuchochea mgawanyiko wa kidini” na “kutetea kuwa [dini yao] ni bora.” Mahakama haikutoa uthibitisho wowote wa kuonyesha kwamba ilikuwa lazima kuwaweka Mashahidi hao mahabusu.

Uamuzi sasa umeachwa mikononi mwa polisi na hakuna uwezekano wa kukata rufani nyingine. Teymur na Asaf wataendelea kukaa mahabusu mpaka uchunguzi wa kesi yao ukamilike. Ikiwa watashtakiwa rasmi na kuonekana kuwa na hatia, wanaweza kufungwa gerezani kwa miaka mitano hadi kumi.