Januari 18, 2017, Kamati ya Usalama wa Taifa ya Kazakhstan iliwakamata na kuwafunga gerezani Teymur Akhmedov na Asaf Guliyev kwa sababu ya kuzungumza na wengine kuhusu imani yao ya dini. Mwezi wa Mei na Juni 2016, wanaume saba waliwaalika Teymur na Asaf kwenye nyumba fulani ya kupanga ili wawe na mazungumzo, wakidai kwamba walipendezwa na imani ya Mashahidi wa Yehova. Baadaye mwaka huo, walikutana pia nyumbani kwa Teymur na hata kwenye nyumba ya Asaf. Mashahidi hao hawakujua lolote, lakini kumbe wanaume hao saba waliodai kuwa wanafunzi wa Biblia walikuwa wakirekodi video ya mazungumzo yao.

Kwa msingi wa mazungumzo hayo ya kidini ya amani, Teymur na Asaf walishtakiwa kwa madai ya “kuchochea mgawanyiko wa kidini” na “ kutetea kuwa [dini yao] ni bora.” Wanaume hao wawili wamewekwa mahabusu kwa siku 60 na watakabili kifungo cha miaka 5 hadi 10 gerezani ikiwa itaonekana wana hatia.

Teymur ana umri wa miaka 61 na hali yake ya afya si nzuri. Asaf ana umri wa miaka 43. Wanaume hao wote wamefunga ndoa. Wakili wao anatarajia kwamba rufani zao zitasikilizwa katika juma la Januari 23, 2017.